Endelig var dagen komt, den dagen vi har gledd oss veldig til! Tur til indianerskogen med grilling og leik.
Alle på løvetanne skulle få bli med (2-4 år). Vi pakka sekkane og kledde på oss i full fart.
Det var mykje snø og litt vanskelig å gå, men vi tok mange pauser så det gjekk veldig fint. Vi traska og gjekk.., plutselig fann vi eit påskeegg i grøftekanten! Alle vart veldig forundra og ville åpne det. Men det stod ikkje navn på det, så vi turte ikkje åpne det.. Vi lot det ligge i tilfelle påskeharen hadde mista det. 🥚🐰
Etter ei lita stund hadde vi endelig komt til skogen vår! Der var mykje snø, men zipline-bana kunne vi bruke. Tipien var også veldig spennande og alle leika fin rolleleik i den. Dei som ville fekk male ansiktet sitt. Alle barna fekk kvar sin tur med den før vi skulle ete pølser med brød.
Etter pølser og enda meir leik, var klokka så mykje at det var tid for å sove for dei minste. Vi traska nedover bakkane igjen. Då vi kom til plassen der påskeegget låg var det vekk! Vi vart veldig forskrekka! Kven hadde tatt det? Hadde påskeharen vore her utan at vi hadde sett han?!? Vi sprang ned til barnehagen for å fortelle det til dei andre. Førskuleborna flira godt når dei hørte historia vår.. dei hadde også sett egget ligge der, men dei hadde ikke berre gått forbi.. dei hadde åpna det😮 Og inni egget låg der ei helsing frå påskeharen og ein annan hemmelig overraskelse😉 Vi vart fort einige om at vi på løvetanna må gå ein ny tur for å sjekke om påskeharen har lagt ut fleire egg... 🥚🐰🐣
Ingen kommentarer:
Legg inn en kommentar